കേരളത്തിന്റെ പുതിയ യുഡിഎഫ് സർക്കാരിന്റെ പുതുക്കിയ ബജറ്റ് മുഖ്യമന്ത്രിയും ധനമന്ത്രിയുമായ വി.ഡി. സതീശൻ നിയമസഭയിൽ അവതരിപ്പിച്ചു.

പുതുയുഗ കേരളം' എന്ന ലക്ഷ്യത്തോടെ, സംസ്ഥാനം നേരിടുന്ന കടുത്ത സാമ്പത്തിക പ്രതിസന്ധികൾ വിവരിച്ചുകൊണ്ടാണ് അദ്ദേഹം തന്റെ കന്നി ബജറ്റ് പ്രസംഗം നടത്തിയത്.

റബ്ബർ വില വർദ്ധനവ്: റബ്ബറിന്റെ തറവില (MSP) 250 രൂപയായി ഉയർത്തി.

കാർഷിക മേഖല: കൃഷി മേഖലയുടെ സമഗ്ര വികസനത്തിനായി 1,535 കോടി രൂപ അനുവദിച്ചു.

ഉമ്മൻചാണ്ടി ആരോഗ്യ ഇൻഷുറൻസ്: പുതിയ ഇൻഷുറൻസ് പദ്ധതിക്കായി 10 കോടി രൂപ മാറ്റിവെച്ചു.

കരുതൽ മിഷൻ: അർഹരായ രോഗികൾക്ക് സഹായമെത്തിക്കാൻ 'വൺ കേരള കരുതൽ മിഷൻ' പ്രഖ്യാപിച്ചു.

കേരള നോളജ് വാലി: ഉന്നത വിദ്യാഭ്യാസ ഹബ്ബാക്കാൻ പുതിയ സ്വകാര്യ സർവകലാശാല ബില്ലോടെ 100 കോടി രൂപ.

ആന്റി റാഗിങ് നിയമം: ക്യാമ്പസുകളിലെ റാഗിങ് തടയാൻ കടുത്ത വ്യവസ്ഥകളോടെ ‘സിദ്ധാർഥൻ ആന്റി റാഗിങ് ആക്ടും’ പ്രത്യേക ആപ്പും.
ഗേൾസ് ഫ്രണ്ട്‌ലി ക്യാമ്പസുകൾ: പെൺകുട്ടികൾക്ക് അനുയോജ്യമായ അന്തരീക്ഷവും ശുചിത്വവും ഉറപ്പാക്കാൻ പൊതുവിദ്യാഭ്യാസത്തിന് 1477.57 കോടി രൂപ.

തൊഴിലവസരങ്ങൾ: പതിനായിരം പുതിയ MSME-കൾ ആരംഭിക്കും, കൂടാതെ 'ഗ്ലോബൽ ജോബ് വാച്ച് ടവർ' സ്ഥാപിക്കും.

മദ്യ നികുതി മാറ്റം: കുറഞ്ഞ ആൽക്കഹോൾ അടങ്ങിയ പാനീയങ്ങൾക്ക് (Low-alcohol beverages) പുതിയ നികുതി സ്ലാബ്.

ഇലക്ട്രിക് വാഹനങ്ങൾ: പരിസ്ഥിതി സൗഹൃദ ഗതാഗതത്തെ പ്രോത്സാഹിപ്പിക്കാൻ EV വാഹനങ്ങളുടെ റോഡ് നികുതി കുറയ്ക്കും.

ഭൂമിയുടെ ന്യായവില: നിലവിലെ പരാതികൾ പരിഹരിക്കാൻ ഭൂമിയുടെ ന്യായവില പുനഃപരിശോധിക്കും.

മിഷൻ സമുദ്ര: തുറമുഖ അധിഷ്ഠിത സമ്പദ്‌വ്യവസ്ഥ ലക്ഷ്യമിടുന്ന പദ്ധതിക്കായി 400 കോടി രൂപ.

വന്യജീവി ആക്രമണം തടയാൻ: മനുഷ്യ-മൃഗ സംഘർഷങ്ങൾ പ്രതിരോധിക്കാൻ 192 കോടി രൂപ.

പ്രത്യേക പാക്കേജ്: വയനാട്, കാസർകോട്, ഇടുക്കി ജില്ലകൾക്കായി പ്രത്യേക വികസന പാക്കേജ്.

മയക്കുമരുന്ന് വിരുദ്ധ പോരാട്ടം: ലഹരി മാഫിയകളെ അടിച്ചമർത്താൻ 'ഓപ്പറേഷൻ തൂഫാൻ' പദ്ധതിക്ക് 10 കോടി രൂപ.