സ്നേഹപൂർവ്വം സുപ്രഭാതം പദ്ധതിക്ക് ഇ. എം.ഇ. എയിൽ തുടക്കമായി..

കൊണ്ടോട്ടി: വിദ്യാർഥികളിൽ വായനാശീലം വളർത്തുകയും പത്രവായന പ്രോത്സാഹിപ്പിക്കുകയും ചെയ്യുക എന്ന ലക്ഷ്യത്തോടെ ഇ. എം.ഇ. എ . ഹയർ സെക്കൻഡറി സ്കൂളിൽ ‘അക്ഷരമുദ്ര’ പദ്ധതിയുടെ നേതൃത്വത്തിൽ ‘സ്നേഹപൂർവ്വം സുപ്രഭാതം’ പദ്ധതിക്ക് തുടക്കമായി.

പദ്ധതിയുടെ ഭാഗമായി പത്രം കോപ്പിലാൻ അബൂഹാജിയിൽ നിന്ന് സ്കൂൾ ഹെഡ്മിസ്ട്രസ് രോഹിണി കെ.എസ്. ഏറ്റുവാങ്ങി ഉദ്ഘാടനം ചെയ്തു.

പത്രവായനയിലൂടെ വിദ്യാർഥികളിൽ വായനാശീലം വളർത്തുന്നതിനും സമകാലിക സംഭവങ്ങളെക്കുറിച്ചുള്ള അറിവും സാമൂഹിക അവബോധവും വർധിപ്പിക്കുന്നതിനുമാണ് പദ്ധതിയിലൂടെ ലക്ഷ്യമിടുന്നത്.ഒപ്പം മാസത്തിൽ വായനാ കിസ്സ് മത്സരം ,ചർച്ചകൾ എന്നിവയും സംഘടിപ്പിക്കും..

ഡെപ്യൂട്ടി ഹെഡ്മാസ്റ്റർ എം. അബ്ദുൽ ഖാദർ, പദ്ധതി കോർഡിനേറ്റർ കെ.എം. ഇസ്മായിൽ മാസ്റ്റർ, എം.കെ.എം. റിക്കാസ് മാസ്റ്റർ, വി. ഖാലിദ്, പി. സുബൈർ, അദ്വ്യത്, ഇശൽ ബശീർ എന്നിവർ നേതൃത്വം നൽകി.