ലോക്കപ്പ് പൂട്ടാൻ മറന്ന് പാറാവുകാരൻ; കൊല്ലത്ത് പോലീസിനെ ഞെട്ടിച്ച് മോഷണക്കേസ് പ്രതിയുടെ രക്ഷപ്പെടൽ

ഡ്യൂട്ടിയിലുണ്ടായിരുന്ന പാറാവുകാരൻ ലോക്കപ്പ് പൂട്ടാൻ മറന്നതിനെ തുടർന്ന് മോഷണക്കേസ് പ്രതി പോലീസ് സ്റ്റേഷനിൽ നിന്ന് രക്ഷപ്പെട്ടിരിക്കുന്നത് . കൊല്ലം കുണ്ടറ പോലീസ് സ്റ്റേഷനിലാണ് നാടകീയമായ സംഭവം നടന്നിരിക്കുന്നത് . എഴുകോൺ പുത്തൻനട വൈജിത്ത് ഭവനിൽ വൈജേഷ് (23) ആണ് പോലീസിന്റെ വീഴ്ച മുതലെടുത്ത് കടന്നുകളഞ്ഞിരിക്കുന്നത് . നാന്തിരിക്കലിൽ നിർമാണം നടക്കുന്ന വീടിന്റെ വയറിങ്, പ്ലംബിങ് സാമഗ്രികൾ മുറിച്ചുകടത്തിയ കേസ്സിലാണ് വൈജേഷ് പിടിയിലായിരിക്കുന്നത് . സാമഗ്രികൾ മുറിക്കാനായി ഉപയോഗിച്ച ഉപകരണങ്ങൾ വാടകയ്ക്കെടുത്ത കടയിൽ തിരികെ നൽകാൻ ചൊവ്വാഴ്ച രാത്രി എത്തിയ സമയത്താണ് പ്രതിയെ വീട്ടുകാർ തടഞ്ഞുവെച്ച് പോലീസിന് കൈമാറിയിരിക്കുന്നത്.