മുഖ്യമന്ത്രി വിജയ്‌യുടെ അതേ ശൈലി; ധനുഷിന്റെ 'സോഷ്യൽ സർവീസ്' രാഷ്ട്രീയ ലക്ഷ്യത്തോടെയോ?

തമിഴ്നാട് രാഷ്ട്രീയത്തിൽ വീണ്ടും താരോദയത്തിന് കളമൊരുങ്ങുന്നുവെന്ന അഭ്യൂഹങ്ങൾ ശക്തമാക്കി നടൻ ധനുഷിന്റെ പുതിയ നീക്കങ്ങൾ ഉണ്ടായത് . നിലവിലെ തമിഴ്നാട് മുഖ്യമന്ത്രിയും നടനുമായ വിജയ്‌യുടെ സമാനമായ രാഷ്ട്രീയ പ്രവേശനത്തിന് പിന്നാലെ, ധനുഷും സജീവ രാഷ്ട്രീയത്തിലേക്ക് ചുവടുവെക്കുമെന്ന ചർച്ചകളാണ് ഇപ്പോൾ സംസ്ഥാനത്ത് ചൂടുപിടിച്ചിരിക്കുന്നത് . തന്റെ ആരാധകരോടും ഫാൻസ് അസോസിയേഷൻ പ്രവർത്തകരോടും കൂടുതൽ സാമൂഹിക ക്ഷേമ പ്രവർത്തനങ്ങളിൽ ഏർപ്പെടാൻ ധനുഷ് ആഹ്വാനം ചെയ്തതാണ് പുതിയ രാഷ്ട്രീയ അഭ്യൂഹങ്ങൾക്ക് തുടക്കമിട്ടിരിയിരിക്കുന്നത്.

അടുത്തിടെ ഒരു സ്കൂളിന് ധനുഷ് വലിയൊരു തുക സംഭാവന നൽകിയിരുന്നു. ഇതിന് പിന്നാലെയാണ് തന്റെ ആരാധക കൂട്ടായ്മകളോട് ഇത്തരം ജീവകാരുണ്യ പ്രവർത്തനങ്ങളിൽ കൂടുതൽ ശ്രദ്ധ കേന്ദ്രീകരിക്കാൻ താരം നിർദ്ദേശം നൽകിയിരിക്കുന്നത് . വിദ്യാഭ്യാസ രംഗത്തും പാവപ്പെട്ട വിദ്യാർത്ഥികളെ സഹായിക്കുന്നതിലും മുൻഗണന നൽകാനാണ് അദ്ദേഹം ആരാധകരോട് ആവശ്യപ്പെട്ടിരിക്കുന്നത്. കേവലം സിനിമാ പ്രൊമോഷനുകളിൽ മാത്രം ഒതുങ്ങിനിൽക്കാതെ ജനങ്ങൾക്കിടയിലേക്ക് ഇറങ്ങിച്ചെല്ലാനുള്ള ധനുഷിന്റെ ഈ ആഹ്വാനം കൃത്യമായ രാഷ്ട്രീയ ലക്ഷ്യത്തോടെയുള്ളതാണെന്നാണ് നിരീക്ഷകർ വിലയിരുത്തുന്നു .

തമിഴകത്തെ സൂപ്പർ താരമായിരുന്ന വിജയ് രാഷ്ട്രീയത്തിൽ പ്രവേശിച്ച് മുഖ്യമന്ത്രി പദത്തിൽ എത്തിയതിന് സമാനമായ പാതയാണോ ധനുഷും പിന്തുടരുന്നത് എന്ന ചോദ്യമാണ് ഇപ്പോൾ പരക്കെ ഉയരുന്നത്. രാഷ്ട്രീയ പ്രവേശനത്തിന് മുൻപ് വിജയ്‌യും തന്റെ ഫാൻസ് അസോസിയേഷൻ വഴി സമാനമായ രീതിയിൽ ജീവകാരുണ്യ പ്രവർത്തനങ്ങളും വിദ്യാഭ്യാസ പുരസ്കാര വിതരണങ്ങളും സംഘടിപ്പിച്ചിരുന്നത് . പാവപ്പെട്ട വിദ്യാർത്ഥികൾക്ക് സാമ്പത്തിക സഹായം നൽകിക്കൊണ്ട് വിജയ് നടത്തിയ ജനസമ്പർക്ക പരിപാടികൾ അദ്ദേഹത്തിന്റെ രാഷ്ട്രീയ വളർച്ചയിൽ നിർണ്ണായക പങ്കുവഹിച്ചിരുന്നു.

ധനുഷിന്റെ ഇപ്പോഴത്തെ സ്കൂൾ സംഭാവനയും ആരാധകരോടുള്ള ആഹ്വാനവും മുഖ്യമന്ത്രി വിജയ്‌യുടെ ഈ പഴയ ശൈലിയെ ഓർമ്മിപ്പിക്കുന്നതാണെന്ന് മാധ്യമങ്ങൾ റിപ്പോർട്ട് ചെയ്യുന്നത് . തമിഴ്നാട്ടിലെ യുവജനങ്ങൾക്കിടയിലും സാധാരണക്കാർക്കിടയിലും വലിയ സ്വാധീനമുള്ള ധനുഷ്, രാഷ്ട്രീയത്തിൽ ഇറങ്ങിയാൽ വലിയ മാറ്റങ്ങൾ സൃഷ്ടിക്കാൻ കഴിയുമെന്ന് വിശ്വസിക്കുന്നവരും ഏറെയാണ്. എന്നാൽ തന്റെ രാഷ്ട്രീയ പ്രവേശനത്തെക്കുറിച്ച് ധനുഷ് ഇതുവരെ ഔദ്യോഗികമായി പ്രതികരിക്കുന്നില്ല. വരും ദിവസങ്ങളിൽ അദ്ദേഹത്തിന്റെ ഭാഗത്ത് നിന്ന് കൂടുതൽ വ്യക്തമായ സൂചനകളോ രാഷ്ട്രീയ പ്രഖ്യാപനങ്ങളോ ഉണ്ടാകുമോ എന്നാണ് തമിഴ്നാട് ഉറ്റുനോക്കുന്നത്. താഴ്മട്ടത്തിലുള്ള ജീവകാരുണ്യ പ്രവർത്തനങ്ങളിലൂടെ ജനങ്ങളുടെ വിശ്വാസം നേടിയെടുക്കാനുള്ള താരത്തിന്റെ ഈ നീക്കം വരാനിരിക്കുന്ന വലിയ രാഷ്ട്രീയ മാറ്റങ്ങളുടെ സൂചനയാണോ എന്ന് കാലം തെളിയിക്കും.