കൊളംബിയയെ പെനാൽറ്റിയിൽ പൂട്ടി സ്വിറ്റ്സർലൻഡ്. ക്വാർട്ടറിൽ മെസ്സിയും കൂട്ടരും എതിരാളികൾ.

നാടകീയമായ പ്രീ-ക്വാർട്ടർ പോരാട്ടത്തിൽ കൊളംബിയയെ പെനാൽറ്റി ഷൂട്ടൗട്ടിൽ പരാജയപ്പെടുത്തി സ്വിറ്റ്‌സർലൻഡ് ലോകകപ്പ് ക്വാർട്ടർ ഫൈനലിൽ കടന്നത്. കാനഡയിലെ ബിസി പ്ലേസ് സ്റ്റേഡിയത്തിൽ നടന്ന മത്സരത്തിൽ നിശ്ചിത സമയത്തും അധിക സമയത്തും ഇരുടീമുകളും ഗോൾരഹിത സമനില (0-0) പാലിച്ചതോടെയാണ് വിജയികളെ കണ്ടെത്താൻ ഷൂട്ടൗട്ട് വേണ്ടിവന്നിരിക്കുന്നത്. ഷൂട്ടൗട്ടിൽ 4-3 നായിരുന്നു സ്വിസ് പടയുടെ വിജയം.

മത്സരത്തിലുടനീളം കൊളംബിയ മികച്ച അവസരങ്ങൾ സൃഷ്ടിച്ചെങ്കിലും ഇരുടീമുകളുടെയും പ്രതിരോധവും ഗോൾകീപ്പർമാരായ ഗ്രെഗോർ കോബെലിന്റെയും കാമിലോ വാർഗാസിന്റെയും മികച്ച പ്രകടനങ്ങളും ഗോൾ അകറ്റിനിർത്തി. ഷൂട്ടൗട്ടിൽ സ്വിറ്റ്സർലൻഡിനായി ഗ്രാനിറ്റ് ശാക്ക, സെകി അംദൂനി, സെഡ്രിക് ഇറ്റൻ, റൂബൻ വർഗാസ് എന്നിവർ ലക്ഷ്യം കണ്ടപ്പോൾ മാനുവൽ അകാഞ്ചിയുടെ കിക്ക് പാഴായത് റൂബൻ വർഗാസിന്റെ അവസാന കിക്കാണ് സ്വിസ് പടയ്ക്ക് വിജയം സമ്മാനിച്ചിരിക്കുന്നത്.

1954-ന് ശേഷം ഇതാദ്യമായാണ് സ്വിറ്റ്‌സർലൻഡ് ലോകകപ്പ് ക്വാർട്ടറിലെത്തിയിരിക്കുന്നത് . പ്രീ-ക്വാർട്ടറിൽ ഈജിപ്തിനെ 3-2 ന് തകർത്തുവന്ന ലയണൽ മെസ്സിയുടെ അർജന്റീനയാണ് ക്വാർട്ടറിൽ സ്വിറ്റ്സർലൻഡിന്റെ എതിരാളികൾ.