പേരാവൂരിൽ നിർബന്ധിച്ചു മത്സരിപ്പിച്ചതാണെന്ന് മുൻ മന്ത്രി ശൈലജ

നിയമസഭാ തെരഞ്ഞെടുപ്പിലെ കനത്ത തിരിച്ചടിക്ക് പിന്നാലെ സിപിഎം സംസ്ഥാന സെക്രട്ടേറിയറ്റിൽ നേതൃത്വത്തിനെതിരെ കടുത്ത അതൃപ്തി രേഖപ്പെടുത്തിയിരിക്കുന്നു കേന്ദ്ര കമ്മിറ്റിയംഗം കെ.കെ ശൈലജ. വിജയിക്കാൻ സാധ്യതയില്ലെന്ന് ഉറപ്പായിരുന്നിട്ടും തന്നെ നിർബന്ധിച്ച് പേരാവൂരിൽ മത്സരിപ്പിച്ചതിലാണ് ശൈലജ അതൃപ്തി അറിയിച്ചിരിക്കുന്നത്. കഴിഞ്ഞ തവണ മട്ടന്നൂരിൽ നിന്ന് റെക്കോർഡ് ഭൂരിപക്ഷത്തിൽ വിജയിച്ച ശൈലജയെ ഇക്കുറി മണ്ഡലം മാറ്റിയത് നേരത്തെ തന്നെ വിവാദമായിയിരുന്നു പേരാവൂരിൽ സണ്ണി ജോസഫിനോട് 14,553 വോട്ടുകൾക്കാണ് ശൈലജ പരാജയപ്പെട്ടിരിക്കുന്നത് .

സംസ്ഥാനത്ത് പാർട്ടിയുടെ സ്ഥിതി അതീവ ഗുരുതരമാണെന്നാണ് സെക്രട്ടേറിയറ്റ് യോഗത്തിന്റെ പൊതുവായ വിലയിരുത്തൽ. പാർട്ടിക്ക് ജനകീയ അടിത്തറ നഷ്ടമായെന്നും, വെറും കണ്ണിൽ പൊടിയിടുന്ന തിരുത്തലുകൾ കൊണ്ട് കാര്യമില്ലെന്നും യോഗത്തിൽ വിമർശനമുയർന്നത് . പരാജയകാരണങ്ങൾ താഴെത്തട്ടിലുള്ള ഘടകങ്ങളിൽ നിന്ന് അന്വേഷിക്കണം. അണികളുടെ വികാരം മനസ്സിലാക്കുന്നതിൽ നേതൃത്വത്തിന് പരാജയം സംഭവിച്ചുവെന്നും അംഗങ്ങൾ ചൂണ്ടിക്കാട്ടിയിരിക്കുന്നു.