കേരളത്തെ നടുക്കി മഞ്ചേശ്വരത്ത് അച്ഛന്‍റെ കൊടും ക്രൂരത; 18 വയസുകാരിയായ മകളെ വെട്ടിക്കൊലപ്പെടുത്തി

കാസര്‍കോട്: പതിനെട്ടുകാരിയെ പിതാവ് വെട്ടിക്കൊന്നു.കാസർകോട് മഞ്ചേശ്വരത്താണ് സംഭവം. കുഞ്ചത്തൂര്‍ തൂമിനാട് സ്വദേശി ജുമൈല ആണ് കൊല്ലപ്പെട്ടത്.

പിതാവ് ഉമര്‍ ഫറൂഖിനെ പൊലീസ് കസ്റ്റഡിയില്‍ എടുത്തിട്ടുണ്ട്. പ്രതി ലഹരി ഉപയോഗിച്ചിരുന്നതായി പൊലീസ് സംശയിക്കുന്നു.

സംഭവം നടന്നത് ഇന്ന് വൈകിട്ടാണ്. നിലവിളി കേട്ട് സമീപവാസികള്‍ വന്ന് നോക്കുമ്ബോള്‍ രക്തത്തില്‍ കുളിച്ച നിലയില്‍ പെണ്‍കുട്ടിയെ കണ്ടെത്തുകയായിരുന്നു. ഉടന്‍ തന്നെ ജുമൈലയെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചിരുന്നു. സമീപവാസികള്‍ അറിയിച്ചതിനെ തുടര്‍ന്ന് മഞ്ചേശ്വരം പൊലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു. മൃതദേഹം മഞ്ചേശ്വരത്തെ ആശുപത്രിയിലേക്ക് മാറ്റി. സംഭവം നടക്കുമ്ബോള്‍ ജുമൈലയുടെ മാതാവ് വീട്ടിലുണ്ടായിരുന്നതായാണ് വിവരം