പരീക്ഷയെ വരവേൽക്കാം; ‘പെപ്പ് ടോക്ക്’ മോട്ടിവേഷൻ ക്ലാസ് സംഘടിപ്പിച്ചു..

കൊണ്ടോട്ടി: മലപ്പുറം ജില്ലാ പഞ്ചായത്തിന്റെ വിജയഭേരി പദ്ധതിയുടെ ഭാഗമായി വിദ്യാർത്ഥികൾക്കായി സംഘടിപ്പിക്കുന്ന മോട്ടിവേഷൻ ക്ലാസ് പരമ്പരയായ ‘പെപ്പ് ടോക്ക്’ പദ്ധതിയുടെ ഭാഗമായി ‘പരീക്ഷയെ വരവേൽക്കാം’ എന്ന പേരിൽ വിജയഭേരി–വിജയസ്പർശം വിദ്യാർത്ഥികൾക്കായി മോട്ടിവേഷൻ ക്ലാസ് സംഘടിപ്പിച്ചു.

പരീക്ഷയെ ആത്മവിശ്വാസത്തോടെയും പോസിറ്റീവ് മനോഭാവത്തോടെയും നേരിടാനും പഠനത്തിൽ മികച്ച മുന്നേറ്റം കൈവരിക്കാനും വിദ്യാർത്ഥികൾക്ക് പ്രചോദനം നൽകുന്നതായിരുന്നു ക്ലാസ്.
സംസ്ഥാന നല്ലപാഠം അവാർഡ് ജേതാവ് അബിഷ കെ. പരിപാടി ഉദ്ഘാടനം ചെയ്തു. കെ. എം. ഇസ്മായിൽ മാസ്റ്റർ അധ്യക്ഷത വഹിച്ചു. ആർലറ്റ് ദിവിൻദാസ് മോട്ടിവേഷൻ ക്ലാസിന് നേതൃത്വം നൽകി.

പരീക്ഷാ സമ്മർദ്ദങ്ങളെ അതിജീവിച്ച് ആത്മവിശ്വാസത്തോടെ മുന്നേറുന്നതിനും ലക്ഷ്യബോധത്തോടെ പഠനത്തെ സമീപിക്കുന്നതിനുമുള്ള പ്രായോഗിക നിർദേശങ്ങളും ക്ലാസിൽ പങ്കുവെച്ചു. വിദ്യാർത്ഥികളുടെ സജീവ പങ്കാളിത്തം കൊണ്ട് പരിപാടി ശ്രദ്ധേയമായി.