മുൻ പ്രധാനമന്ത്രി എച്ച്.ഡി. ദേവഗൗഡയുടെ ഭാര്യ ചെന്നമ്മ ദേവഗൗഡ (89) അന്തരിച്ചു

മുൻ പ്രധാനമന്ത്രി എച്ച്.ഡി. ദേവഗൗഡയുടെ ഭാര്യ ചെന്നമ്മ ദേവഗൗഡ (89) അന്തരിച്ചു
ശ്വാസകോശ സംബന്ധമായ അസുഖങ്ങളെ തുടർന്ന് ബെംഗളൂരുവിലെ മണിപ്പാൽ ആശുപത്രിയിൽ ചികിത്സയിലിരിക്കെ പെട്ടെന്നുണ്ടായ ഹൃദയാഘാതമാണ് മരണത്തിന് കാരണമായത്.മരണസമയത്ത് എച്ച്.ഡി. ദേവഗൗഡ, മകനും കേന്ദ്രമന്ത്രിയുമായ എച്ച്.ഡി. കുമാരസ്വാമി ഉൾപ്പെടെയുള്ള കുടുംബാംഗങ്ങൾ ആശുപത്രിയിൽ ഒപ്പമുണ്ടായിരുന്നു.
മൃതദേഹം പൊതുദർശനത്തിനായി ബെംഗളൂരുവിലെ പത്മനാഭനഗറിലുള്ള വസതിയിൽ സൗകര്യമൊരുക്കുമെന്നും തുടർന്ന് ജന്മനാടായ ഹാസനിലേക്ക് കൊണ്ടുപോകുമെന്നും കുടുംബം അറിയിച്ചു.