വൈദ്യുത പ്രസരണത്തിന് തിരൂർ സർക്കിളിൽ എ.ബി.സി കേബിളുകൾ ഉടൻ

തിരൂർ നിയോജകമണ്ഡലത്തിൽ തിരൂർ ഈസ്റ്റ് ,തിരൂർ വെസ്റ്റ്, പൊന്മുണ്ടം,തിരുനാവായ,വെട്ടം ,പുറത്തൂർ,പുത്തനത്താണി ,കടുങ്ങാത്തുകുണ്ട്, തുവ്വക്കാട് ഇലക്ട്രിക്കൽ സബ് ഡിവിഷന് കീഴിൽ വരുന്ന പ്രദേശങ്ങളിൽ വൈദ്യുത പ്രസരണത്തിന് ലോഹ കമ്പികൾ മാറ്റി എ.ബി.സി കേബിളുകൾ ആക്കുന്ന പദ്ധതിയുടെ പ്രവൃത്തി ഉടൻ ആരംഭിക്കും.കുറുക്കോളി മൊയ്തീൻ എം.എൽ.എ ആവശ്യപ്പെട്ടതിന്റെ അടിസ്ഥാനത്തിൽ അടിയന്തരമായി പ്രവൃത്തി ആരംഭിക്കാൻ
വൈദ്യുത വകുപ്പ് മന്ത്രി സണ്ണി ജോസഫ് കെ എസ് . ഇ .ബിക്ക് നിർദ്ദേശം നൽകി.
ദ്യുതിപദ്ധതിയിൽ ഉൾപ്പെടുത്തി
792 കിലോമീറ്റർ നീളത്തിൽ എ.ബി.സി കേബിളുകൾ സ്ഥാപിക്കുന്നതിന് ന് ടെൻഡർ നടന്നിരുന്നു .എന്നാൽ 29.9 ശതമാനം അധിക തുകയ്ക്കാണ് ടെൻഡർ എടുത്തിട്ടുള്ളത് എന്നതിനാൽ ഇതുവരേക്കും ഈ പ്രവൃത്തി ആരംഭിച്ചിരുന്നില്ല.ആയതിനാൽ ടെൻഡറിൽ ആവശ്യപ്പെട്ടിട്ടുള്ള അധിക തുക കൂടി അനുവദിച്ച് പ്രസ്തുത പ്രവൃത്തി എത്രയും പെട്ടെന്ന് ആരംഭിച്ചു പൂർത്തീകരിക്കണമെന്ന
എം.എൽ.എയുടെ ആവശ്യമാണ് മന്ത്രി അംഗീകരിച്ചത്.43.48കോടി രൂപയാണ് ഇതിന് വകയിരുത്തിയിട്ടുള്ളത്.
ടെൻഡറിൽ ഉൾപ്പെടാത്ത പ്രദേശങ്ങളിൽ കൂടി ലോഹ കമ്പികൾ മാറ്റി
എ .ബി . സി കേബിളുകൾ ആക്കണമെന്നെ
എം.എൽ.എ യുടെ ആവശ്യവും മന്ത്രി അംഗീകരിച്ചു. .