മഹാരാജാവല്ല! താങ്കളുടെ വാക്കുകളും ശരീരഭാഷയും മുഖ്യമന്ത്രിക്ക് ചേർന്നതല്ല. വി.ഡി സതീശനോട് കെ.കെ രാഗേഷ്

വിഴിഞ്ഞം തുറമുഖ ഓഹരി കൈമാറ്റവുമായി ബന്ധപ്പെട്ട് മുഖ്യമന്ത്രി വി.ഡി സതീശന്റെ പ്രസ്താവനക്കെതിരെ രൂക്ഷവിമര്‍ശനവുമായി സിപിഎം കണ്ണൂര്‍ ജില്ലാ സെക്രട്ടറി കെ.കെ രാഗേഷ്. കേരളത്തിന്റെ മുഖ്യമന്ത്രിയായ സതീശൻ മഹാരാജാവല്ലെന്നും, അദ്ദേഹത്തിന്റെ വാക്കുകളും ശരീരഭാഷയും മുഖ്യമന്ത്രിപദവിക്ക് ചേര്‍ന്നതല്ലെന്നും കെ.കെ രാഗേഷ് ഫെയ്‌സ്ബുക്ക് കുറിപ്പില്‍ വ്യക്തമാക്കിയിരിക്കുന്നു. പൊതുപ്രവര്‍ത്തകരെയാകെ വിരട്ടി നിര്‍ത്താമെന്ന് കരുതേണ്ടെന്ന് വ്യക്തമാക്കിയ അദ്ദേഹം, ചോദ്യങ്ങള്‍ ഉന്നയിക്കുമ്പോള്‍ അസഹിഷ്ണുത കാണിക്കുന്ന മുഖ്യമന്ത്രിക്ക് വിഴിഞ്ഞത്തോട് എന്താണ് അമിത താല്‍പര്യമെന്നും ചോദിച്ചത്.

തുറമുഖത്തിന്റെ ഓഹരി വില്‍പ്പനയില്‍ സിപിഎം ജില്ലാ സെക്രട്ടറിക്ക് മാത്രമല്ല, കേരളത്തിലെ ഓരോ പൗരനും താല്‍പര്യമുണ്ട്. പൊതുമുതല്‍ കൈമോശം വരാതിരിക്കാനുള്ള ജാഗ്രതയുടെയും ജനാധിപത്യബോധത്തിന്റെയും ഭാഗമായാണ് ചോദ്യങ്ങൾ ഉന്നയിച്ചിരിക്കുന്നത് . തങ്ങളെ പ്രതിരോധത്തിലാക്കിയ കാര്യങ്ങൾ ഉയർന്നുവന്നപ്പോഴുള്ള അസ്വസ്ഥതയാണ് മുഖ്യമന്ത്രി പ്രകടിപ്പിച്ചതെന്നും, സ്വന്തം പാര്‍ട്ടിയിലെ കമന്റ് തൊഴിലാളികള്‍ക്കും സൈബര്‍ ഗുണ്ടകള്‍ക്കും ഇണങ്ങുന്ന ഭാഷയാണ് അദ്ദേഹം ഉപയോഗിച്ചതെന്നും രാഗേഷ് കുറ്റപ്പെടുത്തിയത്.