പാറ്റക്ക് പിന്തുണ നൽകി പാലക്കാട് മുന്നോട്ട്.

പാലക്കാട്: നീറ്റ്,സി.ബി എസ്.ഇ ക്രമക്കേടിലൂടെ ഇന്ത്യയിലെ ലക്ഷകണക്കിന് വിദ്യാർത്ഥികളുടെ ഭാവി അവതാളത്തിലാക്കിയ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജി വയ്ക്കണമെന്ന് ആവശ്യപ്പെട്ട് പാലക്കാട് മുന്നോട്ട് പ്രവർത്തകർ കോട്ടമൈതാനം അഞ്ചു വിളക്കിൽ ധർണ നടത്തി.
ഇതേ ആവശ്യമുന്ന യിച്ചു ന്യൂ ഡൽഹിയിലെ ജന്തർ മന്തറിൽ ധർണയിരിക്കുന്ന പാറ്റ ജനതാ പാർട്ടിക്ക് (കോക്റോച്ച് ജനതാ പാർട്ടി )പിന്തുണയും,ഐക്യദാർഢ്യവും പ്രഖ്യാപിച്ചു.
ഇന്ത്യയിലെ തൊഴിൽ രഹിതരായ യുവാക്കളെ പാറ്റകളോട് ഉപമിച്ചു സുപ്രിം കോടതി ചീഫ് ജസ്റ്റിസ് അവഹേളിച്ചതിന്റെ പ്രതിഷേധമെന്ന നിലയിലാണ് പാറ്റ ജനതാ പാർട്ടി ഉദയം കൊണ്ടത്.ഇന്ന് ഭാരതത്തിലെ ലക്ഷകണക്കിന് യുവാക്കളുടെയും,മുതിർന്നവരുടെയും റോഷം പ്രകടിപ്പിക്കാനുള്ള വേദി ആയിരിക്കുകയാണ് സി.ജെ.പി.
ബി ജെ.പി ഭരണത്തിൽ വന്ന ശേഷം ജനാധിപത്യ സംവിധാനങ്ങൾ ഒക്കെ തകർന്നു.സി.ബി.ഐ,ഇലക്ഷൻ കമ്മീഷൻ,ഇ.ഡി,ജുഡീഷ്യറി ഒക്കെ ഇപ്പോൾ ഭരിക്കുന്നവരുടെ ചൊല്പടിയിൽ ആണ്.ഇതിനൊരു അന്ത്യം കുറിക്കണമെങ്കിൽ പാറ്റ ജനതാ പാർട്ടിയുടെ ബാനറിൽ യുവാക്കളും,പൊതുജനവും തെരുവിൽ ഇറങ്ങിയേ തീരു എന്നും പാലക്കാട് മുന്നോട്ട് അഭിപ്രായപെട്ടു.
കോട്ടമൈതാനം അഞ്ചുവിളക്കിൽ ദേശിയ പതാകയും,പുസ്തകവുമേന്തി നടത്തിയ ധർണ്ണയിൽ ഡോ.എം.എൻ.അനുവറുദ്ധീൻ,എം.ഉണ്ണികൃഷ്ണൻ,എ.എച്.അബ്ദുൽ ജലീൽ,പി.വിജയൻ,എൻ.ഷബീന,പദ് മാവതി,പി.ജയരാമൻ,സി.ഉണ്ണികൃഷ്ണൻ,കെ.മണി എന്നിവർ പങ്കെടുത്തു.