എം എസ് എസ് യൂത്ത് വിംഗ് തൃശ്ശൂർ ജില്ലാ കമ്മിറ്റി പരിസ്ഥിതി ദിനം ആഘോഷിച്ചു

വൃക്ഷത്തൈ വെച്ച് പിടിപ്പിക്കുക വൃക്ഷങ്ങൾ വെട്ടി നശിപ്പിക്കാതിരിക്കുക"എന്ന ക്യാമ്പയിനിന്റെ ഭാഗമായി മുസ്ലിം സർവീസ് സൊസൈറ്റി (എംഎസ്എസ്) യൂത്ത് വിംഗ് തൃശ്ശൂർ ജില്ലാതല പരിസ്ഥിതി ദിനാഘോഷം ദേശീയ അധ്യാപക അവാർഡ് ജേതാവ് പി എ സീതി മാസ്റ്റർ ഉദ്ഘാടനം ചെയ്തു. യൂത്ത് വിംഗ് ജില്ലാ പ്രസിഡന്റ് എം എം സക്കറിയ അധ്യക്ഷത വഹിച്ച ചടങ്ങിൽ യൂത്ത് വിംഗ് ജില്ല ജനറൽ സെക്രട്ടറി പി കെ ജസീല്‍ പട്ടേപ്പാടം മഹല്ല് പ്രസിഡന്റും പട്ടേപ്പാടം എം എസ് എസ് യൂണിറ്റ് പ്രസിഡണ്ടുമായ സി കെ സിദ്ദീഖ് ഹാജി, യൂത്ത് വിംഗ് ജില്ല വൈസ് പ്രസിഡന്റ് ഒ എം ഇസ്മായിൽ, യൂത്ത് വിംഗ് ജില്ലാ ട്രഷറർ കെ ആർ മുഹമ്മദ്‌ നബീൽ പട്ടേപ്പാടം യൂണിറ്റ് ഭാരവാഹി ഷാഹർ തോപ്പിൽ, എം പി റാഫി, സി ഹാരിസ്, എ ഖാലിദ് തുടങ്ങിയവർ പ്രസംഗിച്ചു. പരിസ്ഥിതി വാര കാലയളവിൽ എം എസ് എസിന്റെയും യൂത്ത് വിങ്ങിന്റെയും ആഭിമുഖ്യത്തിൽ ജില്ലയിൽ വിവിധ ഭാഗങ്ങളിൽ വൃക്ഷത്തൈകൾ വച്ചുപിടിപ്പിക്കുകയും പ്ലാസ്റ്റിക് നിർമാർജന യജ്ഞം നടത്തുകയും ചെയ്യും