കല്യാണവീട്ടിലെ ഉച്ചത്തിലുള്ള ഡിജെ തൊട്ടടുത്ത ഫാമിലെ 140 കോഴികൾ ചത്തു

വിവാഹാഘോഷത്തിനിടെ അത്യുച്ചത്തിൽ വെച്ച ഡിജെ സംഗീതം കേട്ട് ഫാമിലെ നൂറുകണക്കിന് കോഴികൾ ചത്തു. ഉത്തർപ്രദേശിലെ സുൽത്താൻപുർ ജില്ലയിലുള്ള ദരിയാപുർ ഗ്രാമത്തിലാണ് വിചിത്രമായ സംഭവം നടന്നിരിക്കുന്നത് . ഡിജെയിൽ നിന്നുള്ള അമിത ശബ്ദവും പ്രകമ്പനവും മൂലമാണ് കോഴികൾ ചത്തതെന്ന് ഫാം ഉടമയായ സാബിർ അലി ആരോപിചിരിക്കുന്നു .

ഏപ്രിൽ 25-നാണ് കേസിനാസ്പദമായ സംഭവം. ഫാമിന് സമീപത്തുകൂടി കടന്നുപോയ വിവാഹഘോഷയാത്രയിൽ അത്യുച്ചത്തിലാണ് സംഗീതം വെച്ചിരികുന്നത്ത് . ഉയർന്ന ശബ്ദം കേട്ടതോടെ ഫാമിലെ കോഴികൾ പരിഭ്രാന്തരാകുകയും പരക്കം പായുകയും ചെയ്തു. ഇതിനു പിന്നാലെ 140 കോഴികൾ ചത്തുവീഴുകയായിരുന്നുവെന്ന് ബൽദിരായ് പോലീസ് സ്‌റ്റേഷനിൽ നൽകിയ പരാതിയിൽ സാബിർ അലി പറയുന്നത് . കോഴികൾക്ക് ഹൃദയാഘാതം സംഭവിച്ചതാകാമെന്നാണ് പ്രാഥമിക നിഗമനം.