തിരൂരിൽ ഇത്തവണയും കൊട്ടികലാശം ഉണ്ടാകില്ല

തിരൂരിൽ കൊട്ടിക്കലാശം ഒഴിവാക്കുവാൻ രാഷ്ട്രീയപാർട്ടികളുടെ മീറ്റിങ്ങിൽ തീരുമാനമായി.

തിരൂർ :
തിരൂരിൽ നിയമസഭ ഇലക്ഷനോടനുബന്ധിച്ച് കൊട്ടിക്കലാശം ഒഴിവാക്കുവാൻ തീരുമാനമായി. തിരൂർ പോലീസ് സ്റ്റേഷനിൽ തിരൂർ പോലീസ് സ്റ്റേഷൻ SHO യുടെ അധ്യക്ഷതയിൽ ചേർന്ന വിവിധ രാഷ്ട്രീയ പാർട്ടികളുടെ നേതാക്കന്മാരുടെ യോഗത്തിലാണ് ഇക്കാര്യം തീരുമാനിച്ചത്. കൂടാതെ കേന്ദ്രീകൃത സ്ഥലത്ത് കൊട്ടി കലാശമോ മറ്റോ ഉണ്ടാകില്ല എന്നും തീരുമാനമായി. പ്രധാന സ്ഥലങ്ങളിൽ മുൻകൂട്ടി അനുവദിച്ചതായ ഒരു വാഹനത്തിന് മാത്രം അനൗൺസ്മെൻറ് നടത്താമെന്നും തീരുമാനമായി. തിരൂർ പോലീസ് സ്റ്റേഷനിൽ വെച്ച് നടന്ന മീറ്റിങിൽ വിവിധ രാഷ്ട്രീയ പാർട്ടികളുടെ മുതിർന്ന നേതാക്കന്മാരാണ് യോഗത്തിൽ പങ്കെടുത്തത്. യോഗത്തിൽ തിരൂർ പോലീസ് സ്റ്റേഷൻ എസ് എച്ച് ഒ യായ അനിൽകുമാർ മേപ്പള്ളി കാര്യങ്ങൾ വിശദീകരിച്ച് സംസാരിക്കുകയുണ്ടായി. ഇക്കാര്യം ശ്രദ്ധിക്കുന്നതിനായി കൂടുതൽ പോലീസിനെ നിയോഗിക്കുമെന്നും കൂടാതെ ഒറീസ, കർണാടക എന്നിവിടങ്ങളിൽ നിന്ന് വന്ന കേന്ദ്രസേനയും ഉണ്ടായിരിക്കുമെന്ന് തിരൂർ പോലീസ് അറിയിച്ചു.