നിറം മാറ്റാം, ബോഡി ഘടന പരിഷ്കരിക്കുകയും ആവാം .ഏഴുതരം വാഹന മോഡിഫിക്കേഷന് അനുമതി നല്‍കി സർക്കാർ ഉത്തരവ്. മാറ്റങ്ങളെല്ലാം ഗതാഗത വകുപ്പിന്റെ അനുമതിയോടെ മാത്രം

തിരുവനന്തപുരം: വാഹന മോഡിഫിക്കേഷന് അനുമതി നല്‍കി സംസ്ഥാന സര്‍ക്കാറിന്റെ ഉത്തരവിറങ്ങി. വാഹനങ്ങളില്‍ ഏഴ് തരം മോഡിഫിക്കേഷനുകൾക്കാണ് അംഗീകരിക്കാരം നൽകിയിരിക്കുന്നത്. ഏതു തരം രൂപമാറ്റത്തിനും എംവിഡിയുടെ അനുമതി വേണം.

വാഹനത്തിന്‍റെ നിറം മാറ്റാം, എൻജിൻ ഒരേ മോഡലിലുള്ളത് മാറ്റിവയ്ക്കാം, ഒരേ മോഡലുള്ള ഷാസി മാറ്റിവയ്ക്കാം, ബോഡി ഘടന പരിഷ്കരിക്കാം, അംഗീകൃത റിട്രോഫിറ്റ്മെന്‍റ് കിറ്റ് ഉപയോഗിച്ച് ഇന്ധനം മാറ്റാം, പ്രൊപ്പല്‍ഷന്‍ സിസ്റ്റം മാറ്റാം, വാഹനം ഭിന്നശേഷി സൗഹൃദമാക്കി മാറ്റാം.

റജിസ്റ്ററിങ് അതോറിറ്റികള്‍ നിർമാതാവിന്‍റെ സ്‌പെസിഫിക്കേഷനുകളുടെയും വാഹനത്തിന്‍റെ ടൈപ്പ് അപ്രൂവല്‍/പ്രോട്ടോടൈപ്പ് അപ്രൂവലിന്‍റെയും അടിസ്ഥാനത്തിലായിരിക്കും മോഡിഫിക്കേഷന്‍ അപേക്ഷകളില്‍ നടപടി സ്വീകരിക്കുക. അനുവദിച്ച മാറ്റങ്ങള്‍ ആര്‍സിയില്‍ രേഖപ്പെടുത്തേണ്ട ചുമതലയും റജിസ്റ്റിങ് അതോറിറ്റിക്ക് ആയിരിക്കും. ആർസി ബുക്കിൽ മാറ്റങ്ങൾ രേഖപ്പെടുത്തിയില്ലെങ്കിൽ പിഴയടയ്ക്കേണ്ടിയും വരും