വോട്ട് വെട്ടാൻ ഹരിപ്പാട് ചിങ്ങോലിയില്‍ ബിജെപി ഇടപെടല്‍: മുസ്‍ലിം വോട്ട് വെട്ടാന്‍ ഫോം 7 നല്‍ കവിയെന്നാണ് പരാതി

ആലപ്പുഴ: ഹരിപ്പാട് മണ്ഡലത്തിലെ ചിങ്ങോലി പഞ്ചായത്തില്‍ രണ്ട് ബൂത്തുകളിലെ വോട്ടർമാരുടെ പേരുകള്‍ വെട്ടി മാറ്റാൻ എസ്‌ഐആർ ഫോം 7 ബി എല്‍ ഒ യ്ക്ക് നല്‍കിയതായാണ് പരാതി.
166 / 164 ബൂത്തുകളിലെ മുസ്‍ലിം വോട്ടർമാരെ വെട്ടി മാറ്റാനുള്ള ഫോം ആണ് നല്‍കിയത്.ഇതിന് പിന്നില്‍ ബിജെപിയാണെന്നാണ് വോട്ടർമാർ പറയുന്നത്. ബിജെപി സംസ്ഥാന കൗണ്‍സില്‍ അംഗം ഉണ്ണിത്താനെതിരെയാണ് പരാതി ഉയർന്നിരിക്കുന്നത്.

ഫോം 7 സമർപ്പിക്കേണ്ടത് ഓണ്‍ലൈനിലാണ്.ഡല്‍ഹിയില്‍ നിന്നാണ് ഈ ഫോമുകള്‍ പൂരിപ്പിച്ചിട്ടുള്ളത്. നാട്ടിലില്ല എന്ന് പറഞ്ഞിരിക്കുന്ന 57 പേരില്‍ 10 പേര്‍ സര്‍ക്കാര്‍ ജീവനക്കാരാണെന്നും നാട്ടുകാര്‍ പറയുന്നു.വെട്ടിമാറ്റാനുള്ള ഫോമിൽ ബിഎല്‍ഒയുടെ പേരും ഉണ്ടെന്നും ഇവര്‍ പറയുന്നു.ഫോമില്‍ പറഞ്ഞ മുഴുവന്‍ പേരും നാട്ടിലുണ്ടെന്നും വോട്ടര്‍മാര്‍ പറയുന്നു. എസ്‌ഐആറിന്‍റെ നടപടികളുടെ ആദ്യഘട്ടത്തില്‍ ബിജെപി ഇടപെടല്‍ ഉണ്ടായിരുന്നില്ല. അവസാനഘട്ടത്തിലാണ് ബിജെപി ഇടപെടല്‍ നടത്തിയതെന്നും നാട്ടുകാര്‍ പറയുന്നു.