പ്രധാനമന്ത്രി നാളെ തിരുവനന്തപുരത്ത് വിവിധ പരിപാടികളിൽ പങ്കെടുക്കും നഗരത്തിൽ നാളെ ഗതാഗത നിയന്ത്രണം

പ്രധാനമന്ത്രി നരേന്ദ്ര മോദി ഒരു ദിവസത്തെ സന്ദര്‍ശനത്തിനായി നാളെ തിരുവനന്തപുരത്ത് എത്തും. പുത്തരിക്കണ്ടം മൈതാനിയില്‍ രണ്ടു വ്യത്യസ്ത പരിപാടികളില്‍ അദ്ദേഹം പങ്കെടുക്കുക. കേരളത്തിന് അനുവദിച്ച 4 പുതിയ ട്രെയിനുകളുടെ ഉദ്ഘാടനം പ്രധാനമന്ത്രി നാളെ നിർവഹിക്കും. ബിജെപി സംഘടിപ്പിക്കുന്ന പരിപാടിയെ തുടര്‍ന്ന് പങ്കെടുക്കുന്ന അദ്ദേഹം തിരുവനന്തപുരത്തിനായുള്ള നഗര വികസന രേഖയുടെ പ്രഖ്യാപനം ചടങ്ങില്‍ നടത്തും. തിരുവനന്തപുരം ബയോ-360 ലൈഫ് സയൻസസ് പാർക്കിലെ CSIR–NIIST ഇന്നൊവേഷൻ ടെക്‌നോളജി ആൻഡ് ഓന്‍ട്രപ്രണർഷിപ്പ് ഹബ്ബിന്‍റെ ശിലാസ്ഥാപനവും പ്രധാനമന്ത്രി നാളെ നിര്‍വഹിക്കും.
പ്രധാനമന്ത്രിയുടെ സന്ദർശനത്തിനു മുന്നോടിയായി തലസ്ഥാനത്തെ സുരക്ഷാസന്നാഹങ്ങൾ കൂടുതൽ ശക്തമാക്കിയിട്ടുണ്ട്