കോട്ടയം ജില്ലയിലെ പൂഞ്ഞാർ തെക്കേക്കര പഞ്ചായത്തിലെ പയ്യാനിത്തോട്ടം വണ്ടൻപ്ലാവിൽ കനത്ത മഴയെത്തുടർന്ന് വൻ ഉരുൾപൊട്ടൽ.

മലമുകളിൽ നിന്ന് കുത്തിയൊലിച്ചെത്തിയ വെള്ളപ്പാച്ചിലിലും മണ്ണിലും പെട്ട് ഒരു വീട് പൂർണ്ണമായും ഒലിച്ചുപോയി.

പയ്യാനിത്തോട്ടം മണപ്പാട്ട് ജോണിയുടെ ഭാര്യ ഗ്രേസി, ഇവരുടെ മകൻ എന്നിവരെയാണ് നിലവിൽ കാണാതായിരിക്കുന്നത്. ഉരുൾപൊട്ടുന്ന സമയത്ത് ഇരുവരും ഈ വീടിനുള്ളിൽ ഉണ്ടായിരുന്നു.ഫയർഫോഴ്സ് സംഘവും നാട്ടുകാരും എൻ.ഡി.ആർ.എഫും (NDRF) ചേർന്ന് പ്രദേശത്ത് യുദ്ധകാലാടിസ്ഥാനത്തിൽ തിരച്ചിൽ ആരംഭിച്ചിട്ടുണ്ട്.പൂഞ്ഞാർ, ഈരാറ്റുപേട്ട, മുണ്ടക്കയം, കൂട്ടിക്കൽ തുടങ്ങിയ കിഴക്കൻ മേഖലകളിൽ കനത്ത വെള്ളപ്പൊക്കവും മറ്റ് ചെറിയ മണ്ണിടിച്ചിലുകളും റിപ്പോർട്ട് ചെയ്തിട്ടുണ്ട്. മീനച്ചിലാറ്റിലും മറ്റ് കൈവഴികളിലും ജലനിരപ്പ് അപകടകരമാംവിധം ഉയർന്നു.