നിയന്ത്രണം വിട്ടെത്തിയ കാറിടിച്ച് സ്കൂട്ടർ യാത്രക്കാരൻ മരിച്ചു. ഭാര്യയ്ക്ക് പരിക്കേറ്റു. അപകടത്തിൽപ്പെട്ട കാർ മറ്റു രണ്ട് ഇരുചക്ര വാഹനങ്ങൾ കൂടി ഇടിച്ചുതെറിപ്പിച്ചു.

ആലത്തൂർ മേലാർക്കോട് ചേരാമംഗലം കിളിയല്ലൂർ കോരാപ്പറമ്പ് പ്രവിത നിവാസിൽ പ്രദീപ് (43) ആണ് മരിച്ചത്.
ഭാര്യ സിനിക്ക് പരിക്കേറ്റു. അപകടത്തിൽപ്പെട്ട മറ്റു രണ്ടു വാഹനങ്ങളിൽ ഉള്ളവരുടെ പരിക്ക് സാരമുള്ളതല്ല.
പാലക്കാട് യാക്കരയ്ക്കടുത്ത് തങ്കം ആശുപത്രി ജംഗ്ഷൻ കഴിഞ്ഞ ഉടനുള്ള തിരിവിൽ വൈകിട്ട് 4 മണിക്ക് ശേഷമായിരുന്നു സംഭവം.
അപകടത്തിൽപ്പെട്ട വാഹനങ്ങൾ പാലക്കാട് ഭാഗത്തേക്ക് വരികയായിരുന്നു. ഇവർക്ക് പിറകിലൂടെ വന്ന കാർ നിയന്ത്രണം വിട്ട് മുന്നിലെ വാഹനങ്ങളിൽ ഇടിക്കുകയായിരുന്നു എന്നാണ് വിവരം.
പ്രദീപിന്റെ മൃതദേഹം ജില്ലാ ആശുപത്രിയിലേക്ക് മാറ്റി.

അച്ഛന്‍: വിജയന്‍. അമ്മ: പരേതയായ ധനഭാഗ്യം
ഭാര്യ: സിനി. മക്കള്‍: നിവേദ്യ, അതിന്‍.
സഹോദരങ്ങള്‍: പ്രകാശന്‍, പ്രശാന്ത, പ്രസന്ന.