കാറും ബൈക്കും കൂട്ടിയിടിച്ച് അപകടം; കാടപ്പടി സ്വദേശിയായ യുവാവ് മരിച്ചു

പെരുവള്ളൂർ: കരുവാങ്കല്ലിൽ സ്കൂട്ടർ കാറിലിടിച്ച് യുവാവ് മരിച്ചു. ഇന്ന് പുലർച്ചെയുണ്ടായ വാഹനാപകടത്തിലാണ് സ്കൂട്ടർ യാത്രികനായ
കാടപ്പടി മാതാംകുളം പള്ളിയാളിയിൽ താമസിക്കുന്ന കൈത്തകത്ത് മുഹമ്മദലിയുടെ മകൻ മുഹമ്മദ് ജംഷീർ (26) മരിച്ചത്. ഇന്ന് (23/07/2026, വ്യാഴം) പുലർച്ചെ 5.20 ഓടെ കരുവാങ്കല്ല് - കുന്നുംപുറം റോഡിൽ സലഫി മസ്ജിദിന് മുൻവശത്തുവെച്ചായിരുന്നു അപകടം.

ജംഷീർ സഞ്ചരിച്ചിരുന്ന സ്കൂട്ടറും കാറും തമ്മിൽ കൂട്ടിയിടിക്കുകയായിരുന്നു. അപകടം നടന്ന ഉടൻ തന്നെ നാട്ടുകാരും യാത്രക്കാരും ചേർന്ന് രക്ഷാപ്രവർത്തനം നടത്തിയെങ്കിലും ജീവൻ രക്ഷിക്കാനായില്ല. മൃതദേഹം മഞ്ചേരി മെഡിക്കൽ കോളേജ് ആശുപത്രിയിൽ.