മെഗാസ്റ്റാർ മമ്മൂട്ടിക്ക് തമിഴ് താരം ധനുഷ് (OM - Chapter 1:എന്ന മൂവി ലൊക്കേഷനിൽ സർപ്രൈസ് ആഘോഷം ഒരുക്കി

രാജ്യം പത്മഭൂഷൺ നൽകി ആദരിച്ച മെഗാസ്റ്റാർ മമ്മൂട്ടിക്ക് തമിഴ് താരം ധനുഷും പുതിയ ചിത്രത്തിന്റെ അണിയറപ്രവർത്തകരും ചേർന്ന് ഷൂട്ടിംഗ് ലൊക്കേഷനിൽ വെച്ച് വലിയ കേക്ക് മുറിച്ച് സർപ്രൈസ് ആഘോഷം ഒരുക്കി.
ധനുഷ് നായകനാകുന്ന 'ഓം' (OM - Chapter 1: Udhiram The Blood Wood) എന്ന വരാനിരിക്കുന്ന പുതിയ തമിഴ് ചിത്രത്തിന്റെ സെറ്റിലായിരുന്നു ഈ ആഘോഷം.അമരൻ' എന്ന സൂപ്പർഹിറ്റ് ചിത്രത്തിന് ശേഷം രാജ്കുമാർ പെരിയസാമി സംവിധാനം ചെയ്യുന്ന ചിത്രമാണിത്. ഈ ചിത്രത്തിൽ മമ്മൂട്ടി ഒരു പ്രധാന കഥാപാത്രത്തെയാണ് അവതരിപ്പിക്കുന്നത്.
ധനുഷിന്റെ സ്വന്തം നിർമ്മാണ കമ്പനിയായ വണ്ടർബാർ ഫിലിംസ് (Wunderbar Films) ആണ് ഈ ചടങ്ങ് സംഘടിപ്പിച്ചത്.സെറ്റിൽ വെച്ച് മമ്മൂട്ടി വലിയൊരു കേക്ക് മുറിക്കുകയും, നടൻ ധനുഷും സംവിധായകൻ രാജ്കുമാറും മറ്റ് അണിയറപ്രവർത്തകരും കൈയടിച്ച് അദ്ദേഹത്തെ അഭിനന്ദിക്കുകയും ചെയ്തു. വണ്ടർബാർ ഫിലിംസ് തങ്ങളുടെ ഒഫീഷ്യൽ സോഷ്യൽ മീഡിയ അക്കൗണ്ടുകൾ വഴി ഈ മനോഹരമായ ചിത്രങ്ങൾ പുറത്തുവിട്ടിട്ടുണ്ട്. ധനുഷ് മമ്മൂട്ടിക്ക് കൈകൊടുത്ത് ആശംസകൾ അറിയിക്കുന്ന ചിത്രങ്ങളും സോഷ്യൽ മീഡിയയിൽ ഇപ്പോൾ വൈറലാണ്.