തമിഴ്‌നാട് മുഖ്യമന്ത്രി സി. ജോസഫ് വിജയ് കൊല്ലൂർ ശ്രീ മൂകാംബിക ക്ഷേത്രത്തിൽ ദർശനം നടത്തി.

മുഖ്യമന്ത്രിയായി അധികാരമേറ്റ ശേഷമുള്ള അദ്ദേഹത്തിന്റെ ആദ്യ മൂകാംബിക സന്ദർശനമാണിത്.
ഉച്ചതിരിഞ്ഞ് 3:30ഓടെയാണ് അദ്ദേഹം ക്ഷേത്രസന്നിധിയിലെത്തിയത്. ന്യൂഡൽഹിയിലെ ഔദ്യോഗിക യോഗങ്ങൾക്ക് ശേഷം പ്രത്യേക വിമാനത്തിൽ മംഗളൂരുവിൽ ഇറങ്ങിയ അദ്ദേഹം, അവിടെ നിന്ന് റോഡ് മാർഗമാണ് കൊല്ലൂരിലെത്തിയത്.ക്ഷേത്രത്തിലെത്തിയ മുഖ്യമന്ത്രിയെ മുഖ്യതന്ത്രിയുടെ നേതൃത്വത്തിൽ പൂർണ്ണകുംഭം നൽകി സ്വീകരിച്ചു.ദേവീ ദർശനത്തിന് ശേഷം സവിശേഷമായ 'സങ്കല്പ ദീപാരാധന' എന്ന പൂജയിലും വിജയ് പങ്കെടുത്തു.തമിഴ്‌നാട് മുൻ മുഖ്യമന്ത്രിമാരായ എം.ജി. രാമചന്ദ്രൻ, ജെ. ജയലളിത എന്നിവരും മുൻപ് കൊല്ലൂർ മൂകാംബിക ക്ഷേത്രത്തിൽ ദർശനം നടത്തിയിട്ടുണ്ട്. ദർശനം പൂർത്തിയാക്കിയ ശേഷം വിജയ് മംഗളൂരു വിമാനത്താവളം വഴി ചെന്നൈയിലേക്ക് മടങ്ങും