പരിസ്ഥിതി ദിനത്തിൽ ഫലവൃക്ഷ തോട്ടമൊരുക്കി ശിഹാബ് തങ്ങൾ ഹോസ്പിറ്റൽ

പരിസ്ഥിതി ദിനാചരണത്തിന്റെ ഭാഗമായി ശിഹാബ് തങ്ങൾ ഹോസ്പിറ്റൽ ആശുപത്രി പരിസരത്ത് വിപുലമായ ഫലവൃക്ഷ തോട്ടം ഒരുക്കി മാതൃകയായി. പ്രകൃതിസംരക്ഷണത്തിന്റെയും ഹരിത സന്ദേശത്തിന്റെയും ഭാഗമായാണ് വിവിധയിനം ഫലവൃക്ഷ തൈകൾ നട്ടുപിടിപ്പിച്ചത്. ആശുപത്രി മാനേജ്മെന്റും ജീവനക്കാരും ചേർന്നാണ് വൃക്ഷതൈ നട്ടുപിടിപ്പിക്കൽ പരിപാടി സംഘടിപ്പിച്ചത്.

ഹോസ്പിറ്റൽ ചെയർമാൻ അബ്ദുറഹ്മാൻ റണ്ടത്താണി ഫലവൃക്ഷ തൈ നട്ട് പരിപാടിയുടെ ഉദ്ഘാടനം നിർവഹിച്ചു. വൈസ് ചെയർമാൻ കീഴേടത്തിൽ ഇബ്രാഹിം ഹാജിയും ചടങ്ങിൽ പങ്കെടുത്ത് വൃക്ഷതൈ നട്ടു.

മാവ്, മംഗോസ്റ്റിൻ, റംബൂട്ടാൻ, സപ്പോട്ട, പേര, ചക്ക, നാരങ്ങ, മാതളം, സീതപ്പഴം, നെല്ലിക്ക, അവക്കാഡോ, ജാമുന്‍, പാഷൻ ഫ്രൂട്ട്, പപ്പായ, വാഴ എന്നിവയുൾപ്പെടെ പതിനഞ്ചിലധികം ഫലവൃക്ഷ തൈകളാണ് ആശുപത്രി പരിസരത്ത് നട്ടത്.

ചടങ്ങിൽ ഹോസ്പിറ്റൽ സെക്രട്ടറി അഡ്വ. എ.കെ. മുഹമ്മദ് മുസമ്മിൽ, എം.ഡി ഡോ. മുഹമ്മദ് മുസ്തഫ, എം.എസ് ഡോ. അൽത്താഫ്, സി.ഒ.ഒ മിസ്റ്റർ ജസ്റ്റിൻ, അഡ്മിനിസ്ട്രേറ്റീവ് ഓഫീസർ റഷീദ്, മാനേജർ ഫസലുദ്ദീൻ, ഓപ്പറേഷൻ മാനേജർ ബിനു, പി.ആർ.ഒ ഷംസുദ്ദീൻ എന്നിവർ പങ്കെടുത്തു.