കിളിമാനൂരിൽ അമ്മയുടെ ദോഷം മാറ്റാൻ മന്ത്രവാദിക്ക് പെൺമക്കളെ കാഴ്ചവെച്ചു; മന്ത്രവാദി അറസ്‌റ്റിൽ

കിളിമാനൂരിൽ മന്ത്രവാദത്തിന്റെ മറവിൽ പ്രായപൂർത്തിയാകാത്ത രണ്ട് സഹോദരിമാരെ പീഡിപ്പിച്ച സംഭവത്തിൽ കടയ്ക്കൽ സ്വദേശി ശരത് ബാബുവിനെ കിളിമാനൂർ പോലീസ് അറസ്റ്റ് ചെയ്തിരിക്കുന്നത്. സാമ്പത്തിക ബുദ്ധിമുട്ടുകൾ കാരണം വീടും പുരയിടവും വിൽക്കാൻ ശ്രമിച്ച കുടുംബത്തെ സഹായിക്കാനെന്ന വ്യാജേനയാണ് പ്രതി ഇവരുമായി സൗഹൃദത്തിലായിരിക്കുന്നത് . പ്രതി നടത്തിയ പൂജകൾക്ക് പിന്നാലെ വസ്തു വിൽപ്പന നടന്നതോടെ പെൺകുട്ടികളുടെ അമ്മയ്ക്ക് ഇയാളിൽ വിശ്വാസമുണ്ടായത്.

തുടർന്ന് അമ്മയുടെ ജാതകദോഷം മാറാൻ പെൺകുട്ടികളുമായി ലൈംഗികബന്ധത്തിൽ ഏർപ്പെടണമെന്ന് ഇയാൾ അമ്മയെ വിശ്വസിപ്പിക്കുകയായിരുന്നു. ഇതിന് അമ്മയും കൂട്ടുനിന്നിരിക്കുന്നു . 2024 ഓഗസ്റ്റിന് ശേഷം കഴിഞ്ഞ ആറേഴ് മാസത്തിനിടയിൽ വീട്ടിൽ വെച്ചും തിരുവനന്തപുരത്തെ വിവിധ ലോഡ്ജുകളിൽ എത്തിച്ചും പ്രതി പെൺകുട്ടികളെ പലതവണ പീഡനത്തിനിരയാക്കിയത്.