പെരുകുന്ന മസാജ് സെൻ്ററുകൾക്ക് കടിഞ്ഞാണിടണം.-എൻ.എഫ്.പി.ആർ

തിരൂർ ; ജില്ലയിൽ വ്യാപകമായി അനധികൃത മസാജ് സെൻ്ററുകൾ പ്രവർത്തിക്കുന്നത് നാട്ടിൽ അരാജകത്വം സൃഷ്ടിക്കുന്നു. ജനങ്ങളെ പ്രലോഭിപ്പിച്ച് മസാജ് സെൻ്ററുകളിൽ എത്തിച്ച് ഹണി ട്രാപ്പ് രൂപത്തിൽ പല കൊള്ളരുതായ്മകളും ചെയ്യുകയാണ് മസാജ് സെൻ്ററുകൾ.
ജില്ലയിൽ അനധികൃതമായി പ്രവർത്തിക്കുന്ന മസാജ് സെൻ്ററുകളിൽ അധികൃതർ കർശന പരിശോധന നടത്തണമെന്നും നടപടിയെടുക്കണമെന്നും ഹണി ട്രാപ്പ് പോലെ പ്രവർത്തിച്ച് കേസുകളുള്ള മസാജ് സെന്ററുകൾക്ക് അനുമതി നിഷേധിക്കണമെന്നും ദേശീയ മനുഷ്യാവകാശ സംഘടനയായ നാഷണൽ ഫോറം ഫോർ പീപ്പിൾസ് റൈറ്റ്സ് (എൻ.എഫ്.പി.ആർ) ജില്ലാ കമ്മിറ്റി സർക്കാറിനോട് ആവശ്യപ്പെട്ടു.
യോഗം സംസ്ഥാന വൈസ് പ്രസിഡണ്ട് മനാഫ് താനൂർ ഉദ്ഘാടനം ചെയ്തു, സംസ്ഥാന സെക്രട്ടറി അബ്ദുറഹീം പൂക്കത്ത് തിരൂരങ്ങാടി, ജില്ലാ പ്രസിഡൻ്റ് മുസ്തഫ ഹാജിപുത്തൻ തെരു, ജില്ലാ ജന.സെക്രട്ടറി റഷീദ് തലക്കടത്തൂർ, നസറുദ്ദീൻ തങ്ങൾ കൊട്ടന്തല,നിയാസ് അഞ്ചപ്പുര, സമീറ കൊളപ്പുറം, സുലൈഖ സലാം സംസാരിച്ചു.