പരപ്പനങ്ങാടി–കടലുണ്ടി റോഡിൽ സീബ്രാലൈൻ പൂർവസ്ഥിതിയിലാക്കുക കെ ഡി എഫ് (കേരള ഡെവലപ്മെൻ്റ് ഫോറം) പി ഡബ്ലിയു ഡി ക്ക് പരാതി നൽകി

പരപ്പനങ്ങാടി – കടലുണ്ടി റോഡിൽ എല്ലാ സ്റ്റോപ്പിലും സീബ്ര ലൈൻ സ്ഥാപിക്കുക, പയനിങ്ങൽ ജംഗ്ഷൻ, ബി എം സ്കൂൾ, ഗിരിജ ഹോസ്പിറ്റൽ, എം വി എച്ച് എസ് എസ് സ്കൂൾ, ബോർഡ് സ്കൂൾ, സാന്ദീപനി സ്കൂൾ രവിമംഗലം, വൈറ്റ് സ്കൂൾ, ഫിഷറീസ് സ്കൂൾ ആനങ്ങാടി, എ എം യു പി സ്കൂൾ - എവർഷൈൻ സ്കൂൾ കടലുണ്ടി നഗരം എ എം യു പി സ്കൂൾ എന്നീ സ്കൂൾ സ്റ്റോപ്പുകളിലും ഹോസ്പിറ്റൽ മുൻവശത്തും, അമ്പലങ്ങൾ, പള്ളികൾ, മദ്രസകൾ, ചർച്ചുകൾ, കൂടാതെ പുതുതായി റീ ടാറിങ്ങ് നടത്തിയതിനാൽ നിലവിലുള്ള സീബ്രാലൈനുകൾ നഷ്ടപ്പെട്ടിരിക്കുന്ന സ്ഥലങ്ങളിൽ പുനഃസ്ഥാപിക്കുക.

ഈ സാഹചര്യം മൂലം, പ്രത്യേകിച്ച് സ്കൂൾ വിദ്യാർത്ഥികൾ, വയോജനങ്ങൾ,സ്ത്രീകൾ, പൊതുജനങ്ങൾ എന്നിവർ റോഡ് മുറിച്ചുകടക്കുമ്പോൾ ഗുരുതരമായ അപകട സാധ്യതകൾ നിലനിൽക്കുന്നു.
ആയതിനാൽ, മുകളിലെ റോഡുകളിലെ സീബ്രാ ക്രോസിംഗുകൾ അടിയന്തരമായി പുതുക്കി പെയിന്റ് ചെയ്ത് പൊതുജനങ്ങളുടെ യാത്ര സുരക്ഷ ഉറപ്പാക്കണമെന്ന് ആവശ്യപ്പെടുന്നു.

അപകടങ്ങൾ സംഭവിച്ച ശേഷം നടപടികൾ ഉണ്ടായിട്ട് കാര്യമില്ല, അതിന് മുമ്പ് നടപടികൾ സ്വീകരിക്കണമെന്നും അറിയിച്ചു.

സ്റ്റേറ്റ് പ്രസിഡൻ്റ് പി എൻ അബ്ദുൽ അസീസ് കടലുണ്ടി, സെക്രട്ടറി അബ്ദുൽ റഹീം പൂക്കത്ത്, അൽഹാൻ എന്നിവർ സംബന്ധിച്ചു.