ട്രംപിന്റെ വിദേശനയം മാറുന്നു? സമാധാന പാതയിൽ നിന്ന് തന്ത്രപരമായ അധിനിവേശത്തിലേക്ക്

ഹൂസ്റ്റണ്‍ ∙ ഡോണള്‍ഡ് ട്രംപ് തന്റെ ആദ്യ ഭരണകാലത്തും രണ്ടാം ഊഴത്തിന്റെ തുടക്കത്തിലും 'അനാവശ്യ യുദ്ധങ്ങള്‍ അവസാനിപ്പിക്കുക' എന്ന നയമാണ് ഉയര്‍ത്തിപ്പിടിച്ചിരുന്നത്. എന്നാല്‍ സമീപകാലത്ത് വെനസ്വേലന്‍ പ്രസിഡന്റിനെതിരെയുള്ള നീക്കങ്ങള്‍ക്കും, ഗ്രീന്‍ലന്‍ഡ്, മെക്‌സിക്കോ, ക്യൂബ എന്നീ രാജ്യങ്ങളെ ലക്ഷ്യം വച്ചുകൊണ്ടുള്ള പ്രസ്താവനകള്‍ക്കും പിന്നില്‍ വലിയ രാഷ്ട്രീയ അജണ്ടകളുണ്ടെന്നാണ് നിരീക്ഷകര്‍ കരുതുന്നത്.
മുന്‍പ് സമാധാനത്തിന്റെ വക്താവായി സ്വയം വിശേഷിപ്പിച്ചിരുന്ന ട്രംപ്, ഇപ്പോള്‍ കടുത്ത സൈനിക-സാമ്പത്തിക സമ്മര്‍ദ്ദ തന്ത്രങ്ങളിലേക്ക് മാറുന്നത് ആഗോള രാഷ്ട്രീയത്തില്‍ വലിയ ആശങ്കയുണ്ടാക്കുന്നുണ്ട്.