ചിക്കൻ ഫ്രൈഡ് റൈസിൽ ചിക്കനില്ല ഹോട്ടലിലെ കമ്പ്യൂട്ടർ അടിച്ചു തകർത്ത് യുവാവ്

ചിക്കൻ ഫ്രൈഡ് റൈസിൽ ചിക്കൻ കുറവാണെന്നാരോപിച്ച് ഹരിപ്പാട്ടെ ഹോട്ടലിൽ യുവാവിന്റെ പരാക്രമം. വ്യാഴാഴ്ച ഉച്ചയ്ക്ക് 2.30-ഓടെ ഹരിപ്പാടുള്ള 'ചിക്കൻ ചിക്കാഗോ' ഹോട്ടലിലാണ് സംഭവം നടന്നിരിക്കുന്നത് . ഹോട്ടലിലെ കമ്പ്യൂട്ടറും മറ്റ് ഉപകരണങ്ങളും അടിച്ചുതകർത്ത യുവാവ് വനിതാ ജീവനക്കാരിയെ മർദിക്കുകയും ചെയിതിരിക്കുന്നത് . ആറാട്ടുപുഴ സ്വദേശി സുധീറിന്റെ ഉടമസ്ഥതയിലുള്ളതാണ് ഹോട്ടൽ.

ഭക്ഷണത്തിൽ ചിക്കൻ കുറവാണെന്ന് പരാതിപ്പെട്ടപ്പോൾ കൂടുതൽ ചിക്കൻ നൽകാമെന്ന് ജീവനക്കാർ പറഞ്ഞെങ്കിലും യുവാവ് വഴങ്ങിയില്ല. കഴിച്ചുകൊണ്ടിരുന്ന ഫ്രൈഡ് റൈസും പാത്രവും തട്ടിത്തെറിപ്പിച്ച ശേഷം ക്യാഷ് കൗണ്ടറിലുണ്ടായിരുന്ന കമ്പ്യൂട്ടർ ജീവനക്കാരിയുടെ ദേഹത്തേക്ക് വലിച്ചെറിയുകയായിരുന്നു.