ഷക്സ്ഗാം വാലി ഇന്ത്യയുടേതാണെന്ന വാദം തള്ളി ചൈന, ‘പാക്കിസ്ഥാൻ’ സാമ്പത്തിക ഇടനാഴിയുമായി മുന്നോട്ടെന്ന് വെല്ലുവിളി

ജമ്മു കശ്മീരിന്റെ ഭാഗമായ ഷക്സ്ഗാം താഴ്‍വര ഇന്ത്യയുടേതാണെന്ന കേന്ദ്ര വിദേശകാര്യ മന്ത്രാലയത്തിന്റെ വാദം തള്ളി ചൈന. പ്രദേശം ചൈനയുടേതാണെന്നും ഈ മേഖലയിലൂടെ നിർമിക്കുന്ന പാക്കിസ്ഥാൻ-ചൈന സാമ്പത്തിക ഇടനാഴിയുമായി (സിപിഇസി) മുന്നോട്ടുപോകുമെന്നും ചൈനീസ് വിദേശകാര്യ മന്ത്രാലയം പ്രതികരിച്ചു.
1963ൽ പാക്കിസ്ഥാൻ ചൈനയ്ക്ക് ‘ഫ്രീ’ ആയി നൽകിയതാണ് ഷക്സ്ഗാം വാലി. ആ വർഷം ഒപ്പുവച്ച ചൈന-പാക്കിസ്ഥാൻ അതിർത്തി കരാർ പ്രകാരമായിരുന്നു ഇത്.