കെഎം ഷാജി സ്ഥാനാർത്ഥിത്വം. മറുപടിയുമായി സാദിഖലി തങ്ങൾ

വേങ്ങര യുഡിഎഫ് സ്ഥാനാർത്ഥി കെ.എം ഷാജിയുടെ സ്ഥാനാർത്ഥിത്വവുമായി ബന്ധപ്പെട്ട വിവാദങ്ങൾക്ക് മറുപടിയുമായി സാദിഖലി തങ്ങൾ . ഷാജിയെ മത്സരിപ്പിക്കാൻ തീരുമാനിച്ചത് മുസ്‌ലിം ലീഗ് നേതൃത്വമാണ്. പി.കെ കുഞ്ഞാലിക്കുട്ടി മലപ്പുറത്ത് മത്സരിക്കാൻ താല്പര്യം പ്രകടിപ്പിച്ചതോടെ വേങ്ങരയിൽ വന്ന ഒഴിവിൽ ഷാജിയെ നിശ്ചയിക്കുകയായിരുന്നുവെന്നും തങ്ങൾ പറഞ്ഞു.പാർട്ടിക്കുള്ളിലെ ജനാധിപത്യപരമായ പ്രക്രിയയാണിതെന്നും ഇതിൽ ബാഹ്യശക്തികളുടെ ഇടപെടലില്ലെന്നും തങ്ങൾ കൂട്ടിചേർത്തു.

സംസ്ഥാനത്ത് എസ്ഡിപിഐ – സിപിഎം രഹസ്യധാരണയുണ്ടെന്ന കോൺഗ്രസ് ആരോപണത്തെയും തങ്ങൾ പിന്തുണച്ചു. വ്യക്തമായ തെളിവുകളുടെ അടിസ്ഥാനത്തിലായിരിക്കണം കോൺഗ്രസ് ഇത്തരമൊരു ആരോപണം ഉന്നയിക്കുന്നത്. കേരളത്തിലെ രാഷ്ട്രീയ സാഹചര്യങ്ങൾ കൃത്യമായി വിലയിരുത്തിയാൽ ഇത് വ്യക്തമാകുമെന്നും അദ്ദേഹം കോഴിക്കോട് പറഞ്ഞു.